JIMJITLIK

Taniqli adibimiz Said Ahmadning „Jimjitlik“ romani 1986-1987-yillarda „Sharq yulduzi“ jurnalida davomli eʼlon qilingan. Gʻafur Gʻu-lom nomidagi Adabiyot va sanʼat nashriyoti uni 1989-yilda 150 000 nusxada bosib chiqardi. Biroq senzura muallifni ogohlantirmay, hatto, unga bildirmay, asarning uchdan bir qismini olib tashladi. Oqibatda, „mayib“ asar oʻquvchi qoʻliga tegdi. Muallif oʻtgan oʻn toʻrt yil davomida romanni qayta tiklash uchun koʻp urindi. U asarni qayta ishlash jarayonida bugungi kun talablarini nazardan qochirmadi. Roman yovuzlik bilan ezgulikning abadiy kurashiga bagʻishlangan.