Kapitan qizi

Sadoqat va xiyonat inson hayotining turli sohalarida qoʻllaniladigan mavhum tushunchalardir. Davlatga, doʻstlarga, yaqinlariga, oʻziga sadoqatli boʻlishni har kim oʻzi hal qiladi. Xiyonatning eng yuqori darajasi oʻziga, oʻz eʼtiqodiga xiyonat qilishdir. Kimdir shunday xiyonat qilgan boʻlsa, undan hamma narsani kutish mumkin. Bunday vaziyatlarda kuchli odamlar sinadi, aybdorlikdan kasal boʻlib qolishi mumkin, zaif odamlar esa oʻzlarining qilgan ishlarini hatto tushunmasliklari mumkin. Oʻziga, soʻziga sodiq insoningina hayotda koʻp narsaga erishadi, baxtli boʻladi. Ojiz, axloq qonunlariga xiyonat qilganlarni taqdir ertami kech jazolaydi. Pushkinning "Kapitan qizi" asarida hayotga tubdan qarama-qarshi qarashlarga ega personajlar yuzma-yuz keladi. Pyotr Grinyov — kuchli irodali, oʻziga va soʻziga sodiq, qoʻrqmas odam. Har qanday vaziyatda u boshqalarni qutqarish uchun oʻzini qurbon qilishga tayyor, qaroqchilar rahbari Pugachyov bilan teng sharoitda gaplashishdan qoʻrqmaydi. Oʻlim azobida oʻz eʼtiqodiga xiyonat qilmaydi, soʻziga, Vataniga sodiq qoladi. Ijtimoiy mavqeyi va tarbiyasi boʻyicha Pyotr Grinyovga yaqin boʻlgan boʻlgan Shvabrin obrazi tamoman aksincha. U oʻz maqsadiga erishish yoʻlida har qanday razillikda qaytmaydi, hattoki Vatanga, xalqiga xiyonat qilishdan ham... Bu ikkala obraz ham komendantning qizi Marya Mironovaga oshiq. Xoʻsh, Marya Mironova bularning qaysi birini tanlaydi? Asardagi tarixiy shaxs Pugachyov kim va uning taqdiri qanday yakunlandi? Bu savollarga asarni oʻqish davomida javob topasiz. Marhamat, zavq bilan oʻqing!