KICHKINA SHAHZODA

“Kichkina shahzoda” ertagi Antuan de Sent-Ekzyuperining eng kichik asarlaridan biri boʻlsa ham, unda adibning inson hayotining maʼnosi va mazmuni haqidagi dardlari va falsafiy mushohadalari, insonlar oʻrtasidagi doʻstlik, birodarlik, hamdardlik va oʻzaro hurmat munosabatlari, Yovuzlik va Yomonlikka qarshi kurash gʻoyalari aks ettirilgan. Ezgulikning yovuz bobabning gʻovlab ketishiga – olamni yomonlik egalab olishiga qarshi har kuni kurashga chiqadi. Qalbida ezgulik yashaydigan insongina oʻzi suygan gulini – sevgi-muhabbatini himoya qila oladi... Ezgulikning “Koʻngil koʻzi ochiq” boʻladi! Shunday oʻlmas asar yaratgani uchun yozuvchining vatani – Fransiyada, Antuan de Sent-Ekzyuperi tugʻilgan yurt – Lion shahri markazida unga ajoyib bir haykal oʻrnatilgan. Koʻkka boʻy choʻzgan baland oq marmar ustun ustida adib oʻtiribdi, uning yelkasiga qoʻlini qoʻygancha Kichkina shahzoda turibdi. Ular bu yuksaklik uzra hamon suhbat qurayotgandek tuyuladi kishiga. Darhaqiqat, Fransiyada va undan tashqarida adib ijodiga qiziqish va hurmat katta. Haykal ham shu katta hurmatning ifodasidir.