Kimsasiz hovli

Oʻzbekiston xalq yozuvchisi Shukur Xolmirzayev kitobxonlarga juda koʻp hikoyalari, bir necha qissa va romanlari bilan yaxshi tanish. U Oʻzbek hikoyachilik sanʼatini Abdulla Qahhorovdan keyin yangi, yuqori bosqichga koʻtargan yozuvchilardan biridir. Uning asarlari milliyligi, turfa xarakterlarga boyligi, goho kutilmagan yechim bilan tugashi bilan ajralib turadi. Bu holat, ayniqsa, uning hikoyalarida yaqqol seziladi. Mazkur «Hikoyalar xazinasi» rukni ostidagi «Kimsasiz hovli» toʻplamidagi hikoyalar ham kitobxonni hayotning boʻsmoqli yoʻllariga boshlab kiradi, oʻylatadi, ranjitadi, quvontiradi, ularga turmush kechinmalarining turli qirralarini koʻrsatib beradi. Taqdim etilayotgan hikoyalarda oʻsha davr ruhini saqlab qolish maqsadida shaharlar va ayrim atamalar nomi asl holatga asosan qoldirildi. Ushbu toʻplam barcha yoshdagi kitobsevar oʻquvchilarga moʻljallangan boʻlib, ularning oilaviy kutubxonalarini yana bir ajoyib kitob bilan boyitadi, degan umiddamiz.