Koʻhna karvon sadolari

Xalq ogʻzaki ijodida termalar baxshilar repertuaridagi asosiy janrlardan biri sifatida yashab kelmoqda. Folklor-shunoslar termalarni ikkiga boʻlib, yaʼni anʼanaviy va zamonaviy termalar sifatida tadqiq etishadi. Biz ushbu kitobda Qahhor baxshi Rahimovdan yozib olingan anʼanaviy termalarni jamladik. Termalardagi axloqiy, aqliy qadriyatlar, urf-odatlar hamda ularda aks etgan turli mavzular muhtaram oʻquvchilarni befarq qoldirmaydi, deb oʻylaymiz.