KUTGAN KUNLAR

Uzoq umr koʻrish – insoniyatning azaliy orzusidir. Hozirgi texnik taraqqiyot, nano texnologiyalar tufayli inson umrini uzaytirishning yangi tibbiy omillari paydo boʻlayotgani, qolaversa, Yer sayyorasining kuchli ekologik inqirozga yuz tutayotgani sir emas. Shu tufayli yerliklar qoʻshni galaktikalardagi yashash mumkin boʻlgan sayyoralardan ham oʻzlariga yangi makon izlashlariga toʻgʻri kelmoqda. ...Inson goʻzalligi va unga erishish istagi boʻlsa, bu oʻzga sayyoraliklar ezgu orzusi ekan, deydi muallif. Ammo bu goʻzallikka erishish uchun, avvalo, Yer sayyorasini ekologik inqirozlardan qutqarmoq, buning asosiy sababchilaridan biri boʻlmish qurib qolgan Orol dengizini qayta suvga toʻldirmoq kerak. Qoʻlingizdagi mazkur hazilnamo fantastik asar ana shunday umuminsoniy va umumsamoviy dolzarb muammolarni hal etishda bir-biringizni qoʻllab xizmat qilsa ajabmas.