MARDLIK MAKTABI

Kitob Oʻzbekiston faxriylarining ijtimoiy faoliyatini qoʻllab-quvvatlash, „Nurony“ jamgʻarmasi Respublika Boshqaruvi qoshidagi „Faol faxriy ijodkorlar“ jamoatchilik Kengashi tomonidan tayyorlangan. Oʻzbekiston faxriylarining ijtimoiy faoliyatini qoʻllab-quvvatlash „Nurony“ jamgʻarmasi Respublika Boshqaruvi tomonidan nashrga tavsiya etilgan. Kitob Oʻzbekiston kasaba uyushmalari Federatsiyasi homiyligida chop etildi. Buyuk gʻalabada oʻzbek xalqining ham ulkan hissasi bor. Mard va fidoyi ota-bobolarimiz Rossiya va Yevropa maydonlarida rus va boshqa xalqlar qatori jon olib, jon beradilar, ozod hayot uchun kurashadilar, fashist-gazandalarning yurtimiz Oʻzbekistongacha bostirib kelishiga yoʻl qoʻymay, qahramonlik koʻrsatdilar. Bu – haqiqat! Oʻzbek oʻgʻlonlarining jasoratlari haqida hikoya qiluvchi mazkur toʻplamdan oʻrin olgan badiiy va publitsistik asarlar bugungi tinch hayotning qadriga yetib yashashga, doimo hushyor va ogoh boʻlishga, yoshlarni ona-Vatanga sadoqat ruhida tarbiyalashga xizmat qiladi, degan umiddamiz.