MASHHUR DAHOLAR SIYRATI

Mashhur alloma Shamsiddin Zahabiy qator asarlari bilan islom olamida dong taratganlar. Bular orasida u zotning minglab muhaddis, mufaqqih, muarrixu mufassirlar to‘g‘risida qimmatbaho ma’lumot berilgan bir necha jilddan iborat “Siyaru a’lamin nubalo” kitoblari alohida ahamiyatga ega. Qo‘ldagi ilmiy tadqiqotlar, tarjimayu tahlillar uchun manba bo‘ladigan bu bitik-xazinada yuzlab taniqli vatandoshlarimizga ham munosib o‘rin berilgan. Buxoro shahridagi “Xo‘ja Tabband” jome’ masjidi imom-xatibi Azizxo‘ja Inoyatov tomonidan amalga oshirilgan ushbu tarjima orqali ularning ikki yuzdan ziyodi bilan tanishish ma’naviyatimizning boyishiga ulkan hissa qo‘shishi shubhasiz.