MEROS

Pirimqul Qodirovning ushbu “Meros” nomli qissasi va “Olov” hikoyasida ilgari surilgan asosiy mazmun-mohiyat aka-ukalarning oʻzaro munosabatidir. Ushbu asarlarni oʻqir ekansiz, undagi maʼnaviy-maʼrifiy tarbiya hozirgi vaqtda ham dolzarb ekanligiga amin boʻlasiz. “Meros” qissasining asosiy qahramoni Yolqin obrazida el-yurt xizmati, oila farovonligi yoʻlida hatto oʻzini ham ayamaganligiga guvoh boʻlasiz. Ikkinchi jahon urushidan keyin ishchi kuchi kamayib ketgan, asosiy ogʻirlik voyaga yetmagan bolalarga va onalarga tushayotgan davrda Yolqin bu muammolarni hal qilish uchun qishloq xoʻjaligiga mexanizatsiyani joriy etish harakatiga tushadi. Albattа, buning uddasidan chiqadi. Shuningdek, asarda Yolqinning ukasi Tursun, turmush oʻrtogʻi Munira, onasi Sharofat opa, Qaynagʻasi Azlar aka kabi obrazlarda goho Yolqinning ishining maʼqullash, goho esa qarshi chiqish holatlari ham uchraydi. Bunday holatlarda Yolqin qanday yoʻl tutadi? Asarni oʻqish davomida buning javobini topasiz. “Olov” hikoyasida oʻzining akasi — Haydar aka­ning ikkinchi jahon urushi davridagi xotiralarini yoritadi.