Muborak safar mo'jizalari

Ushbu kitobni bosmaxonaga topshirishdan oldin telegram kanalimga qo'ygan edim. Qarasam salkam yuz kun oralig'ida 20 000 o'quvchi o'qibdi. Ba'zilar bu kitobni qayerdan topsak bo'ladi, deb post qoldirishgan. Hajga va Umraga borayotgan va borib kelganlar esa minnatdorchiligini bildirganlar. Albatta bu ulug' safar bilan bog'liq qo'llanmalar juda ko'p. Ushbu kitobning ulardan farqi badiiyligida. Hojilarimiz, umrachi­larimiz safar talablariga qanchalik amal qilishyapti, qaysi o'rinlarda xatoga yo'l qo'yishyapti, o'zlarida, hayotga qarashlarida qanday ijobiy o'zgarishlar bo'lyapti? Nimalarga e'tibor berish, nimalardan voz kechish kerak? Kitob shu haqda. O'qing, manfaat topsangiz kamina xodimingizni duo qilib qo'ying.