Muhabbat bekati

Muhabbat – badiiy adabiyotning mangu mavzusi, u haqida yozmagan adib, kuylamagan shoir yoʻq. Har bir sevgi tarixining oʻziga yarashur boshqasidan farqli jihati, bu hassos hissiyotdan osmonu falakda parvoz etayotgan yoki hijron dardida bagʻri oʻrtanayotgan oshiqqa ibratli tomoni bor. Muhabbat koʻngil bahori, bu bahor vaslining jilosi tushmagan kimsa hayotning haqiqiy lazzatini, zavqini totimay oʻtibdi, desa arziydi. “Muhabbat bekati” – bu bekatda inson umrida aqalli bir bora toʻxtab oʻtadi. Bekatda qancha toʻxtashidan qatʼiy nazar bu davr qalbida abadiy muhrlanib qoladi va aksariyat bu nurli xotiralar umr soʻnggiga qadar koʻnglini munavvar etib turadi. Adib Abdurahmon Ibrohimning ushbu yangi toʻplamidan joy olgan hikoyalar va qissa xuddi shu mavzuga bagʻishlangan. Kitob oʻquvchilarni befarq qoldirmaydigan degan umiddamiz.