Nomi chiqmagan xotin

Oʻzbekiston xalq yozuvchisi, Isteʼdodli adib Hakim Nazir oʻnlab hikoyalar, qissalar, pyesalar, ocherklar muallifidir. U baʼdiy asarlarida – ular xoh hikoya, xoh bolalar uchun qissalar boʻlsin, hamma-hammasida insonlardagi maʼnaviy-axloqiy fazilatlarni ardoqlashga, ulugʻlashga intilgan. Uning oʻnlab kitoblari rus, qozoq, qirgʻiz, turkman, tojik, gruzin, arman, ukrain, belorus, latish, litva, eston, nemis, fransuz, ispan, bulgʻor, chex, moʻgʻul tillariga tarjima qilingan! «Hikoyalar xazinasi» rukni ostida «Nomi chiqmagan xotin» kitobiga adibning eng sara hikoyalari jamlangan boʻlib, ushbu hikoyalarda turli xarakterdagi insonlarning taqdiri, kechinmalari, oʻy-fikrlari, voqea-hodisalar oʻziga xos sanʼatkorona tarzda hayotiy tasvirlangan. Taqdim etilayotgan hikoyalarda oʻsha davr ruhini saqlab qolish maqsadida shaharlar va atamalar nomi asl holiyatga asosan qoldirildi. Mazkur hikoyalar toʻplami barcha yoshdagi kitobxonlarga moʻljallangan boʻlib, kitob javonlariga eng yaxshi tuhfa boʻladi, degan umiddamiz.