Nur qidirib

Muso Toshmuhammad oʻgʻli Oybek “Nur qidirib” asarida Pokiston xalqining mustamlakachilar va mahalliy zodagonlarning zulmiga qarshi kurashini aks ettirgan. 1966-yilda kino ijodkorlarimiz Oybekning ushbu asari asosida film yaratdilar. Bosh qahramonlar – Ahmad Husayn va Iskandaro xalq ozodligi, farovonligi va ilm-ma’rifati boʻlish yoʻlida kurashish bilan birga, oʻz muhabbatlariga erishish uchun ham astoydil harakat qilishadi. Ahmad Husayn judayam kambagʻal boʻlsa-da, lekin iymon-e’tiqodiga xilof vazifalarda ishlashdan bosh tortadi, oliy maqsadi yoʻlida oʻz farovonligini ham qurbon qiladi. Bir-biriga kuchli muhabbat nomli rishta bilan bogʻlangan Ahmad Husayn va Iskandaro oʻz maqsadlari yoʻlida sabr-toqat bilan kurashadilar. Xoʻsh, Ahmad Husayn ilm-ma’rifat orqali xalqini ozodlikka olib chiqish uchun nimalar qiladi? Ahmad Husayn va otasi orasidagi ziddiyatning sababi nima? Fozilhaq Azizulxon va ingliz Kottonning maqsadlari nima edi? Iskandaro va Ahmad Husayn qay tariqa tanishib qolishadi? Iskandaroning asl maqsadi nima? Ahmad Husayn va Iskandaroning ishqiy munosabatlari nihoyasi nima boʻladi: ayriqliqmi yoki vaslmi? Bu savollarga kitobni oʻqish davomida javob olasiz.