ODAMIYLIK QISSASI

Adib "Odamiylik qissasi"da kitobxonga odob-axloq to'g'risidagi hayotiy voqealarni hikoya qilib beradi. Shuningdek, asarda yoshlarni hayotiy voqealarni hikoya qilib beradi. Hashamatga, pardoz-andozga, behuda hoy-u havasga berilib ketib, odamiylik fazilatlarini unutayozgan ayrim nodon yoshlarga qarata: "...sen har qancha yasanib-tusanmagin, lablaringni, kiprik-qoshlaringni, betlaringni har xil ranglar bilan bo'yamagin, turli-tuman taqinchoqlar taqmagin, baribir, insoniy fazilating bo'lmagandan keyin sen xunuksan, sen jirkanchsan, sen nogironsan! Bilib qo'y: senga inson husnini beradigan, nomingni pok, bedog' saqlaydigan narsa yuzingga suradigan bo'yoqlar, quyushqondan chiqib ketgan bachkana kiyimlar, turli zeb-u ziynatlar emas, yo'q, aslo bular emas! Senga bu husnni chiroyi axloq, odob, madaniyat, yaxshi fazilat beradi!" — deydi va ularni bunday yo'ldan qaytishga undab nasihat qiladi. Shu bilan birga: "Harom bor joyda razillik, adolatsizlik bor joyda jabr, yolg'on bor joyda tuhmat tantana qiladi. Odamlar orasidagi pok muhabbatlarga putur etkazadigan bu illat jamiyatni orqaqa, faqat orqaqa sudraydi... Fosiqlarning yugurgunlari somonxonaqacha bo'lsa ham, lekin ularning bir kunlik umri jamiyatga juda qimmat tushadi", - deya ta'kidlab insonlarni adolat, haqiqat, halollik yo'lida kurashga chorlaydi. Yosh avlodni ilm-ma'rifatli, jasur, halol inson bo'lishga va yoshi ulug'larimizni ham shu yo'lda jonbozlik ko'rsatishga undaydi.