OILALAR MUSTAHKAMLIGINI TA’MINLASHNING PSIXOLOGIK NEGIZLARI

Oila masalasi, oilalar mustahkamligi, unda er va xotin, qaynona va kelin, qayinsingil va kelin munosabatlari kishilik jamiyatining eng dolzarb masalalaridan hisoblanadi. Shuning uchun aynan shu masalalarga davlat darajasida e’tibor berib kelinmoqda. So‘nggi yillarda Respublikamiz Prezidenti tomonidan e’lon qilingan Farmonlar, Vazirlar mahkamasi qarorlari, keng xalq ommasining masalaning aynan shu jihatiga e’tibori bunga yaqqol misol. Qo‘llanma O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondining «Og‘ir ijtimoiy ahvolda qolgan, zo‘rlik ishlatishdan jabr ko‘rgan shaxsni reabilitatsiya qilish va moslashtirish hamda o‘z joniga qasd qilishning oldini olish faoliyatini kuchaytirish» mavzusidagi loyihasi doirasida tayyorlandi. Oiladagi oilaviy va shaxslararo munosabatlarni, xususan, er-xotin, qaynona-kelin, qayinsingil-kelin munosabatlari hech bir kitobxonni befarq qoldirmaydi. Mazkur qo‘llanma bo‘lajak er-xotin, yosh oilalar va ularning atrofidagi oila a’zolariga bag‘ishlanadi. U tarbiyachi, pedagog, psixolog va oila masalalari bilan shug‘ullanuvchi mutasaddi xodimlarga mo‘ljallangan.