OLTIN VODIYDAN SHABADALALAR

Xalqimizning buyuk adibi, she'riyatida el-yurt ozodligini, ishq-muhabbatni tarannum etgan Oybekning "Oltin vodiydan shabadalar" romani uning zamonaviy mavzuga bag'ishlangan birinchi yirik asaridir. Yozuvchi o'zining bu asarini yaratishga ikkinchi jahon urushining so'nggi yillarida taraddud ko'ra boshlagan edi. Adibning 1944-1949-yillar orasida yozgan o'zbek mehnatkashlarining urushdan keyingi hayotiga bag'ishlangan qator maqolalari ham shundan dalolat beradi."Oltin vodiydan shabadalar" olti oyda yozilgan. 1958-yilda mazkur asarni qayta ishlab unga yangi boblar, yangi epizod va lavhalar qo'shadi, lekin bu paytda Oybek og'ir xastalikka chalinib qolgan edi, shuning uchun ham bu o'zgarishlar turmush o'rtog'i Zarifa Saidnosirova tomonidan yozib olingan.Ikkinchi jahon urushi tugash arafasida. Qishloqlarda barcha ishlar keksalar, ayollar va urushdan nogiron bo'lib qaytganlar zimmasida... Ocharchilik... Ustiga-ustak, suv muammosi ham bor, ob-havo ham to'nini teskari kiyib olgan. Bunday vaziyatlarda xalq nima qilishi kerak, kimga suyana oladi?Asarda xalq mana shunday nochorlikdan chiqish yo'lida bosh bo'ladigan rahbarlarga muhtoj. Bular — asarning asosiy qahramonlari — O'ktam Boyjonov, Komila, rais Mirhaydar Ashurov. Xalq mana shu rahbarlar boshchiligida farovon hayot uchun kurashadilar.Shuningdek, asardan jozibali tuyg'u bo'lgan sevgi-muhabbat munosabatlariga, oilaning muqaddasligiga, onaning buyukligiga, do'stlikning qadr-qiymatiga alohida urg'u berilgan.Marhamat, zavqlanib o'qing!