O'n besh yoshli kapitan

JYUUL VERNNING "O'n besh yoshli kapitan"i bosilib chiqqanidan beri 145 yil vaqt o'tdi. Asrlar osha qo'ldan qo'ymay o'qib kelinayotgan roman o'zining jozibadorligi, syujetining qiziqligi, asosiy qahramonlari – yosh kapitan Dik Send va negr Gerkulesdagidek jasorat va olijanoblik xislatlari bilan kitobxonlarni hali ham o'ziga maftun qiladi. Bu qahramonlar har qanday qiyinchiliklar oldida to'xtab qolmay har qadamda jon fido qilishga tayyor turib, o'zlarini ham, himoyasiz qolgan sheriklarini ham, missis Ueldon va uning kichkina o'g'li Jek, ajoyib parixonshayol olim Benedikt tog'ani ham muqarrar bo'lib qolgan o'lim xavfidan qutqazib olishning hech iloji yo'qdek ko'ringan paytlarda ham favqulodda ziyraklik va mardlik ko'rsatadilar. Asar har qanday og'ir holatlarga tushishdan qat'iy nazar hech qachon taslim bo'lmaslikni va ortga chekinmaslik kerakligini o'rgatadi.