ORTGA YO‘L

— Nega hammasi chappa ketdi, Georg, nega? Chunki bizni aldashdi, shunday aldashdiki, bu yolg‘onlarning mag‘zini haligacha chaqolmayapmiz! Bizni sotishdi, lakka tushirishdi. Vatan, deya qulog‘imizga quyishdi, aslida esa ochko‘z sanoatchining bosqinchilik rejalarini nazarda tutishgan ekan; shon-sharaf, deyishdi, buning tagida esa bir siqim diplomat va knyazlarning hokimiyatga tamana’ligiyu bir-birini g‘ajishi yotgan ekan; millat, deb ayuhannos solishdi, aslida esa bekorchixo‘ja janobi generallarning qo‘li qichib qolgan ekan. *** Butun boshli avlod qirilib ketdi! Butun boshli orzu-umid, ishonch, kuch-qudrat, iqtidor avlodi aldovlarga berilib, o‘zini o‘zgaga tashladi. Vaholanki, butun dunyodai mana shu avlodning maqsadi bir edi! *** Ehtimol, hech kim birovning azob-uqubatlarini oxirigacha his etmagani uchun ham noming o‘chgur urush takror-takror qaytalanaverar.