Otamga o'xsha, o'g'lim!

Ahad Qayum serqirra ijodkor, shoir va aktyor sifatida elimizga tanilib ulgurgan zamonaviy yoshlardan hisoblanadi. Uning bir qancha she'rlari ru-tanishqi xonandalar tomonidan qo'shiq qilib ijro etilib, dillarni xushnud qilmoqda. Qo'lingizdagi mazkur "Otamga o'xsha, o'g'lim" guldasta to'plamiga kiritilgan she'rlar va qo'shiqlar ham avval nashr etilgan "Yana sog'indim, yana" (2010), "Sinishimni sog'indi kimlar?" (2011), "Yig'lama o'zimni farishtaginam" (2011), "Begim demang, begoyim" (2012), "So'nggi qo'ng'iroq" (2012), "Yolg'izim" (2012) kabi she'riy to'plamlarning g'oyaviy, mantiqiy davomi bo'lib, o'z jozibasi hamda maftunkorligi bilan Siz aziz muxlislarda manzur bo'ladi, degan umiddamiz. Ushbu guldasta to'plamida shoirning so'nggi yillarda bitilib, muxlislar qalbidan munosib joy olgan she'r va qo'shiqlarda Vatanga muhabbat, ota-onaga hurmat, milliy qadriyatlarimizga ehtirom, oshiqlarning ishq-muhabbatlari, muallifning orzu-armonlari, shu bilan bir qatorda jamiyatmizga uchrab turadigan ayrim illatlarga kinoyaviy qarashlari o'z aksini topgan.