Oy choʻmilar chaylada

Taniqli bolalar shoiri Nurulloh Ostonning kichkintoylarga bagʻishlab yozgan sheʼrlarini bolalar emas, hatto kattalar ham zavq bilan oʻqiydi. Qisqa va ixcham, bolalar uchun tushunarli, sodda tilda yozilgan, rang-barang qochirim va obrazlarga toʻla. Kitob, maktab, bogʻcha va kichik yoshdagi oʻquvchilarga moʻljallangan boʻlib, undan kichkintoylarning begʻubor shoʻxliklari, ularning hayrat va soddalikka toʻla samimiyatlari qalamga olingan. Mazkur sheʼriy toʻplam ana shunday rang-barang mavzularni oʻz ichiga olgan va oʻquvchilarnihg dunyoqarashini, tasavvurini kengaytirishga xizmat qiladi. Shoirning ushbu toʻplami bolalar olamini kashf etish yoʻlidagi tadqiqotlarning davomi, yana bir qadamdir. Shoir quvnoqlik, yumor orqali oʻquvchilarning oʻziga sezdirrmay ularni tarbiyalaydi. Bu tarbiya bolalarning xatti-harakati, xarakteridagi kamchiliklarni yoʻqotishga qaratilgan boʻlibgina qolmay, ularning estetik didini oshirishga, tabiatga, atrof olamga chuqurroq qarab, uni anglab olishiga yordam beradi.