OYDINDA YURGAN ODAMLAR

TOG'AY MURODNING ILK QISSALARI TOG'AY MUROD o'zining qisqa umri davomida bitgan sara qissalari, romanlari bilan o'zbek adabiyotini, shubhasiz, boyitdi. Bu asarlar adabiyotimizda o'z tili, o'z yo'li, o'z uslubini yaratgan katta iste'dodli yozuvchi bor ekanligidan dalolat berib turadi. TOG'AY MURODning birgina “Oydinda yurgan odamlar” degan qissasida, yanglishmasam, adibga xos bo'lgan fazilatlar yana-da yaqqolroq seziladi. Asar nima haqida? Bir qarashda qissa adabiyotimizda ko'p aytilgan farzandsizlik muammosiga bag'ishlangandek tuyuladi. Aslida, unday emas. Asli, uslub jihatidan xalq dostonlariga o'xshab ketadigan bu qissani muhabbat haqidagi bir kuy, to'g'rirog'i, muhabbatga suyani, barcha hayot dovullarini yengib o'tgan ikki dil, ikki pok inson haqidagi tipik bir qo'shiq, desak, yarashadi. Yaxshi qo'shiq mungli bo'ladi, biroq bu mung ko'ngilga g'ashlik solmaydi, bil'aks, suv ichganday ravshan qiladi. TOG'AY MUROD dunyodan bevaqt ketdi. TOG'AY MUROD bu dunyoda ko'rmagan yaxshiliklarini, iloyo, u dunyoda ko'rsin. Odil YOQUBOV, O'zbekiston xalq yozuvchisi