Oyning oltin o'rog'i

Oʻzbekistonda xizmat koʻrsatgan sanʼat arbobi, Oʻzbekiston xalq yozuvchisi, isteʼdodli adib Oʻlmas Umarbekovning oʻnlab hikoyalar, qissalar, romanlar, dramatik asarlar muallifidir. U oʻz asarlarida hamisha insonlardagi maʼnaviy-axloqiy fazilatlarni ardoqlashga, ulgʻaytishga intilgan. «Hikoyalar xazinasi» rukni ostida «Oyning oltin oʻrogʻi» kitobiga adibning eng sara hikoyalari jamlangan. Ushbu hikoyalarda turli xarakterdagi insonlarning taqdiri, kechinmalari, oʻy-fikrlari, voqea-hodisalar oʻziga xos sanʼatkorona tarzda tasvirlangan. Shu sababli bu hikoyalarmi oʻqish jarayonida oʻquvchi goh oʻyga toladi, goh qaygʻuradi, gohida esa, oʻzini ayni qahramonning oʻrniga qoʻyib, bunday vaziyatda men nima qilgan boʻlardim, degan savolni oʻz oldiga qoʻyadi va yechimini axtaradi. Taqdim etilayotgan hikoyalarda oʻsha davr ruhini saqlab qolish maqsadida shaharlar va ayrim atamalar nomi asliyatga asosan qoldirildi. Mazkur hikoyalar toʻplami barcha yoshdagi kitobxonlarga moʻljallangan boʻlib, kitob javoningizga eng yaxshi tuhfa boʻladi, degan umiddamiz.