QADARNING GʻARIB JILVASI

Toju taxt hadya etilmaydi. Kurashib, qozoniladi, aql va qilich ila qoʻlda tutiladi. Qismatu qadar shahzoda Xalil Sultonga jilva qildi. Buyuk bobosi, jahongir Amir Temur saltanati – Koʻkmoshni unga ravo koʻrdi. Yigirma bir yoshli shahzodaga bu mulki davlat barobarida Chingizxonning oltin taxti saqlanayotgan va yarim asr mobaynida yigʻilgan xazina ham meros qoldi. Buyuk malika Saroymulkxonim – Bibixonimning mavqei oʻzgardi. Xalil Sultonni tarbiyalab, voyaga yetkazgan buyuk bibi endi xonaband. Uning oʻrnini Zubaydai sohiy laqabini olgan Shod Mulk egalladi. Ishq-muhabbat otashi malik va malikani yondirmoqda. Sevib bor joyda esa donolik boʻlmaydi. Bu oʻtli ishq girdobiga tushib qolgan yosh sulton mulki davlatni qanday boshqaradi va asraydi? Qadarning erkin yoxud gʻarib jilvasi davom etadimi? Epopeyaning sakkizinchi kitobida ana shu tarixiy voqealar badiiy bayoniga shohidiga aylanasiz.