Qasoskorming oltin boshi

Ushbu asar - sevimli adibimizning eng yaxshi asarlaridan biri bo'lib, unda xalq qahramoni - Namoz Pirimqulov va uning jasorati haqida so'z boradi. Bunday qahramonlar bizda juda ko'p bo'lib, ammo ularni badiiy asarga olib kirish, shu orqali bolalarni tariximiz bilan tanishtirish uchun yozuvchidan alohida mahorat va, albatta, bilim talab qilinadi. Xudoyberdi To'xtaboyev Namoz Pirimqulov obrazi ni shu qadar mahorat bilan aks ettirganki, kitob mutolaasi har bir o'quvchini tariximiz bilan yaqindan tanishishga, ozodlik uchun kurashib borgan har bitta xalq qahramonining hayot yo'li bilan tanishishga undaydi. Namoz Pirimqulov obrazi boshqa xalq qahramonlaridan farqli o'laroq adabiyotga olib kirilmagan, bolalarimiz u haqda faqat tarix kitoblari orqali o'qib bilishgan, xolos. Taqdim etilayotgan kitobning badiiy qimmati shundaki, unda yozuvchi qahramonni mardligi va jasorati bilan bir qatorda uning insoniy tuyg'ulari, kechinmalari, fazilatlari, o'y-xayollari ham tasvirlaydiki, kitobxon beixtiyor Namoz Pirimqulov obraziga qalban yaqinlik his qiladi o'zida.