Qaylardasan bolaligim

Xudoyberdi Toʻxtaboyevning oʻquvchilarimizga navbatda havola etilayotgan kitobini biz umumiy nom bilan «Qaylardasan, bolaligim» deya nomladik. Yangi tuhfaga yozuvchining siz sevgan, shu vaqtga qadar qoʻldan qoʻyilmay oʻqib kelayotgan qissa va hikoyalari, shu jumladan, ertaklar jamlangan. Taqdim etilayotgan har bir asar Xudoyberdi Toʻxtaboyevning bolalik yillari, bolalik orzulari, bolalik sevinchlari, bolalik sogʻinchlari haqida soʻzlaydi. Bir paytlar siz kabi bola qalbi bilan dunyoga sigʻmagan, orzularini qahramonlari timsolida gavdalantirgan va oʻz oʻquvchisini hayratlar ummoniga gʻarq qilgan adibni bu gal bolaligini, tugʻilgan qishlogʻini sogʻingan, yuraklari gup-gup urib, oʻsha manzil tomon talpintirgan tengdoshngiz siymosida koʻrasiz. Kitobdan oʻrin olgan har bir asar qalbingizda shunday iliqlik va yorugʻlik paydo qiladi!