QISMATIM

Teatr — koʻngillarni yuvib oqartiruvchi sanʼat dargohi. Unga qoʻyiladigan har bir spektakl hayotning bir parchasi. Hayot ranglarini qalbda aks ettirgan aktyorlar esa ana shu “parda”ni tomoshabinga koʻrsatib beruvchilardir. Aktyor oʻz jismidan yangi inson yaratarkan, sahnada uni jon bagʻishlaydi. Bu oddiy ish emas, buning uchun undan yuksak isteʼdod va katta mahorat talab etiladi. Ana shunday jarayonlarni oʻz boshidan kechirgan, umrini teatrga bagʻishlagan inson, Oʻzbekiston xalq artisti Lutfulla Saʼdullayev qalamiga mansub ushbu kitob teatr va kino, aktyorlik mahorati, sahna va sahna orti mashaqqatlari, eng muhimi, isteʼdod sohiblari, Oʻzbekistonda xizmat koʻrsatgan artist Gulchehra Saʼdullayeva ijodi va faoliyati haqida hikoya qiladi.