Qizlar daftariga

Mirzakalon Ismoiliyning ushbu kitobini yosh qizlar uchun, kelinlar uchun va hattoki onalar uchun "bebaho pand-nasihatlar xazinasi" desak, mubolag'a bo'lmaydi. Zotan, bu kitob boshidan oxirigacha hayot darsi: pand-nasihatlar, tavsiyalar, odob-axloq qoidalari bilan zarhallangan, boyitilgan. Bu kitobni qo'liga olgan har qanday kitobxon, ayniqsa, yosh qizlarimiz bosh ko'tarmay oxirigacha o'qishiga ishonchimiz komil. Asarning asosiy qahramoni — Saodat buvi. U asarning boshidan oxirigacha "O'n bir oqshom" davomida nevarasi Tursunoy va uning dugonalariga hayotiy saboqlar beradi. Qiz bola qanday bo'lib eriga, qaynayota-qaynanagasi, qo'ni-qo'shnilarga — xullas, barchaga qanday munosabatda bo'lishi kerakligini hayotiy hikoyalar, gazetalarda chop etilgan suhbatlar, maqolalar misolida ko'rsatadi, o'rgatadi. Shuningdek, behuda hoy-u havasning, bilimsizlikning, manmanlikning qanchalar zararli illat ekanligini va bu illatlarning insoniyat, jamiyat uchun xavfi juda kattaligini yorqin dalillar bilan ifodalaydi.