Qutlug' qon

Oybekning «Qutlugʻ qon» romanining bosh qahramoni Yoʻlchi – mard, halol, oqkoʻngil, olijanob yigit. Maʼlumki, inson oʻzi qanday boʻlsa, oʻzgalar haqida ham shunday oʻylaydi. Shuning uchun ham Yoʻlchi shahardagi qarindoshlardan mehr-u muruvvat kutadi. U oʻziga qilinadigan yaxshiliklar evaziga halol mehnati bilan badal toʻlay oladi. Buni siz romanda yigitning mehnatdan qoʻrqmasligi, ishning koʻzini bilishi tasvirlangan oʻrinlardan payqab olasiz. Asarning ushbu nashrida asarda uchraydigan ilmiy, tarixiy atamalarga, ruscha va baynalmilal soʻzlarga alohida izoh va iqtiboslar berildi va hozirgi oʻzbek adabiy til qoidalari asosida qayta tahrirlandi.