RAQAMLI QAL'A

Kuningizdagi kitob zamonaviy jahon adabiyotining eng mashhur yozuvchilaridan biri, bugun dunyo bo'ylab 300 milliondan ortiq nusxada kitob sotgan Den Braunning “Raqamli qal'a” romanidir. Ushbu roman Den Braunning ilk romani bo'lib, bu asari bilan yozuvchi dunyoga mashhur bo'lib ketadi. Bugungi kunda Den Braun “New York Times” nashri tomonidan bir necha bor dunyoning eng mashhur 100 insoni sifatida e’tirof etilgan. Uning asarlari bestsellerlar ro'yxatida birinchi o'rinlarni egallab kelmoqda. Den Braun dunyoga eng ko'p daromad qiladigan yozuvchilardan biri hisoblanadi. «Raqamli qal'a» romani 1998-yilda yozilgan. Yozuvchi asarining yozilishiga hayotda o'zi guvoh bo'lgan voqealar sabab bo'ladi. Asarda raqamli xavfsizlik, vatan xavfsizligi yo'lida ishlaydigan jasur shaxslarning hayoti, ular uchraydigan xavf masalalari ko'tarilgan. Ushbu asarda ham vatanparvarlik ham ehtirosli sevgi, ham qiziqarli ma'lumotlar, ham sizni o'z dunyosiga sayohat qildiradigan ajoyib syujetni topasiz. Asar voqealari AQSH, Ispaniya, Yaponiya kabi mamlakatlar hududida o'tishi, voqealarning tez va kutilmagan rivoji sizni o'ziga maftun qiladi va o'zbek kitobxonlariga ma'qul bo'ladi deb umid qilamiz.