REKTOR KIM O'ZI?

REKTOR kim o'zi?... va u oliy dargohning rahbari sifatida qanday siyosat olib borishi va nimalarga mas'uliyat bilan javob berishi kerak? Men o'z tajribalarimga tayanib mana shu savolga atroflicha javob berishga harakat qilaman. Bundan maqsadim: mashaqqat bilan yetishgan muvaffaqiyatlarni ko'z-ko'z qilish emas, balki bu bitiklar kimlarningdir hayot yo'llarida askotar, degan o'y-hayollarim. Axir, oson kechmagan har bir umrda saboq bor-ku... Rektor birinchi galda o'z vatanida – mamlakatida tanilgan olim bo'lishi shart. U to'g'risidda (MHHda) faqat ijobiy fikr bo'lishi kerak. U Alloh oldida pok vijdonli, faqat O'zbekiston yoshlarining kelajagini o'ylaydigan, sohalar uchun yetuk-zamonaviy, iqtidorli mutaxassislar yetkazib berishga qodir tashabbuskor olim-rahbar bo'lishi lozim. Aziz o'quvchi! Har bir insonning hayot yo'lida burilish nuqtalari, uni yanada kengroq miqyosda faoliyat ko'rsatishga imkon tug'ilgan kunlari bo'ladi, bunday kun mening hayotimda 1995 yilning 17-noyabr sanasida, ya'ni 55 yoshimda sodir bo'lgan. Birinchi Prezidentimiz Islom Karimovning ishonchlari tufayli Toshkent avtomobil-yo'llar institutiga rektor etib tayinlandim. Bu paytda nafaqat O'zbekistonda, balki dunyo miqyosida tan olingan olim edim... O'n yil rektor vazifasini sidqidildan