Sanamgina

Ushbu toʻplam 2000 yil «Elim» nomli kitobning «Sanamgina» sarlavhasi ostidagi yangi nashridir. Istedodli shoiramiz Sayyora Toʻychiyevaning nomi bugungi kunda adabiyot va sanʼat muxlislariga yaxshi tanish. Uning bir qator sheʼrlariga kuylar bastalanib, taniqli hofizlar, yosh xonandalar tiliga tushdi, dildan dilga koʻchdi. Bu — shoir ahli uchun eng katta mukofot, eʼtirof nishonasidir. «Sanamgina» deb nomlangan mazkur sheʼrlar toʻplamiga shoiraning «Vafo boʻlib uygʻonaman», «Men seni qizgʻonaman», «Koʻzlarini sogʻinaman» kabi kitoblariga kirgan va soʻnggi yillarda bitilgan sheʼrlari asos boʻldi. Vatanga muhabbat, aziz eliga sadoqat, uning tabiatiga maftunkorlik, ishq-vafoni ulugʻlash - yangi kitobning asosiy mundarijasini tashkil etadi.