SEHRLI OLMOS UZUK

Ertaklar – bola qalbimizning bezagidir. Bizni adabiyotga oshno qilgan, ko‘ngillarimizda kurtak yozgan jamiki ezguliklarning sababchisi ham aynan ertaklardir. Nashriyotimiz tomonidan taqdim etilayotgan mazkur xalq og‘zaki ijodining eng go‘zal namunalarini ham biz aziz farzandlarimizning bolalik dunyosini boyitish, unga mazmun bag‘ishlash niyati bilan nashrga tayyorladik. Umid qilamizki, tuhfamiz yosh kitobxon do‘stlarimizga albatta manzur bo‘ladi. Agar bu ertaklar oila davrasida o‘qilsa, nur ustiga a’lo nur bo‘ladi. Zero, mutolaaga muhabbat oila davrasida shakllanadi.