SEVGI SADOSI

Oʻtgan asrning 60-yillarida oʻzining yangroq ovozi bilan adabiyotga kirib kelgan Robert Rojdestvenskiyning nomi oʻzbek kitobxoniga ham yaxshi tanish. Chunki u oʻsha davrdayoq oʻzining onaga muhabbat, Vatanga sadoqat, urushga nafrat mavzusidagi sheʼrlari bilan oʻzbek kitobxonlarining qalbida chuqur joy olib, hurmatiga sazovor boʻlgan edi. Shoir mashhur oʻzbek shoirlarining sheʼrlarini ham rus tiliga mohirlik bilan tarjima qilgan. Uning urush mavzusidagi sheʼrlarining koʻpi oʻlmas qoʻshiqqa aylangan. Shoirning sheʼrlari juda koʻp ijodkorlar tomonidan turli yillarda oʻzbek tiliga mohirlik bilan tarjima qilingan. Oʻquvchilarning adabiyotga boʻlgan qiziqishlarini yanada oshirish, tafakkurini kengaytirish maqsadida qiyosiy tarjimalar ham berildi. Qoʻlingizdagi kitobdan shoirning mashhur sheʼrlari, ballada va dostonlari oʻrin olgan.