She'rlar to'plami

ABDULLA ORIPOV 1941-yil Qashqadaryo viloyati Koson tumani Nekoʻz qishlogʻida tugʻilgan. Otasi Orif Ubaydulla oʻgʻli kolxoz raisi boʻlgan. Shoir sakkiz nafar farzand – toʻrt oʻgʻil, toʻrt qizdan iborat oilaning kenja oʻgʻil farzandi edi. 1958-yil oʻrta maktabni oltin medal bilan tamomlab, Abdulla Oripov Toshkent Davlat universiteti oʻzbek filologiyasi fakultetining jurnalistika boʻlimida davom ettiradi. 1963-yil universitetni a'lo baholar bilan yakunlab, “Yosh gvardiyachi” tahririyatida muharrir boʻlib ishladi; (1967-1974) Gʻafur Gʻulom nomidagi adabiyot va san'at tahririyati muharriri va bosh muharriri; (1974-1976) “Sharq yulduzi” jurnalida boʻlim rahbari. 1972-yildan 1982-yilgacha Abdulla Oripov Oʻzbekiston Yozuvchilar uyushmasida adabiy maslahatchi boʻlib faoliyat yuritadi; (1982-1983) Yozuvchilar uyushmasining Toshkent viloyati boʻlimi kotibi; (1983-1985) “Gulxan” jurnali bosh muharriri; 1985-yildan Oʻzbekiston Yozuvchilar uyushmasida koʻp, 1996-yildan 2009-yilgacha Oʻzbekiston Yozuvchilar uyushmasi raisi. 1988-yildan 2007-yilgacha Oʻzbekiston mualliflik huquqini himoya qilish qoʻmitasi raisi lavozimida faoliyat yuritgan.