Sheʼrlari oʻziga oʻxshagan shoir

Sheʼr – koʻngil mulki. Kiyomiga yetgan kuyma satrlar bir koʻngilda tugʻilib, ming koʻngilga yoʻl oladi, maʼnaviy mulkka aylanadi. Unda shoirning nozik his-tuygʻulari, qalb iztiroblari, orzu-umidlari, dard-armonlari oʻz mujassamini topadi. Shu bois xam har bir sheʼrda, eng avvalo, shoirning oʻzini, ichki dunyosini koʻrish mumkin. Shoirni tanish uchun uning sheʼrini oʻqish kerak. Azim Suyun oʻziga, qalbida yetilib, qalamidan toʻkilgan sheʼrlariga juda-juda oʻxshar edi. Sheʼrlari kabi hissiyotli, hayqiriqli, shiddati togʻ daryosiday sershovqin, ammo serjilo ijodkor edi. Ushbu bitiklarni oʻqib, bunga siz ham amin boʻlasiz.