Shuxrat zamondoshlar xotirasida

Oʻzbekiston xalq yozuvchisi Shuxrat nomi nafaqat adabiy jamoatchilik, adabiyot muxlislari, balki oddiy kitobxonlar orasida ham mashhurdir. Buning birgina sababi bor: Shuxrat domla yaratgan yirik nasriy asarlar bilan bir qatorda, donishmandlikka yoʻgʻrilgan xalqona sheʼrlarini ham oʻzbek oʻquvchisi sevib oʻqigan, oʻqimoqda. Domlaning gʻoyat murakkab, azob-uqubatu tazyiqlarga toʻla hayoti ham tengkur doʻstlari, zamondoshlari, shogirdlari, adiblar nazaridan chetda qolgan emas. Ular samimiyat bilan yozgan esdaliklarida bu kayfiyat yorqin ifodasini topgan. Eng muhimi, ustoz Shuxrat har qanday vaziyatda doʻstlari, shogirdlari, hatto begonalarga ham yaxshilik qila olgan, yordam qoʻlini choʻza olgan. Ushbu kitobni oʻqigach, ibratli umr, ibratli ijod yoʻlini bosib oʻtgan inson shaxsiyati oliyjanobligiga yana bir karra iqror boʻlasiz, hurmatingiz chandon oshadi. Umid qilamizki, mazkur xotiralar toʻplami Sizda ezgu tuygʻular uygʻotadi.