SOF O'ZBEKCHA QOTILLIK

Afsuski, insonga hamisha... jinoyat, jinoiy tuyg'u, jinoiy tasavvur ham hamroh bo'lib yuradi. Odam erta yo indin qanday holatlarga tushish oldindan hech bir banda bilmaydi buni. Jinoyat deganda faqat o'g'rilik, qinchilik yoki qotillikni tushunish to'g'ri emas, zero, og'ir gap aytmasdan, haqoratlamasdan, diliga ozor yetkazmasdan turib, hatto kulgin bo'laturib solib ham jinoiy xatti-harakat sodir etilishi mumkin. Hammasi mohiyatan, maqsad-muddaoda! Shular bois ham jinoyatni fosh etish oson emas, lekin tushunish, sabab-oqibatlarini tahlil qilish o'n-yuz chandon og'irroq va mushkulroq vazifa hisoblanadi. Kitobdan joy olgan qissa voqeasi boshdan oxir fojia. U olis viloyatlarimizdagi oddiy qishloq xonadonida yuz bergan: maktabni bitirish arafasida o'ynab-kulib yurgan qizning nomusi toptaladi, hech kim jazoga tortilmaydi, badnomlikka dosh bermagan qiz o'z joniga qasd qiladi. Oriyat, nomus uning tug'ishgan opasini qo'liga pichoq olishga undaydi. Jafokash xonadonga bordim, ko'rdim, kehrashdim, suhbatlashdim. Suhbatimiz ayollar qamoqxonasida davom etdi... Hayhotday hovli to'rt yoshli nevarasi bilan yolg'iz qolgan onaizorning ko'z yoshlaridan ko'l bo'ldi. “Hech bir bandaning boshiga solmasin” deydi xalqimiz bunday paytlarda yoga tutib. Davr taqozosi tufayli qissa bir necha bor turli nomlarda chop etildi, uning asosida “Chayongul” badiiy filmi ssenariysi yaratildi. Va nihoyat, mana, u Siz aziz kitobxonlarga dastlabki o'z asl nomida taqdim etilmoqda.