Sohil boʻylab chopayotgan olapar
Atoqli Qirgʻiz adibi Chingiz Aytmatovning «Sohil boʻylab chopayotgan Olapar» qissasining mazmuni juda teran va serqirra. Asar yer yuzining hamma tarafini suv qoplab olgan, hali biror parcha quruqlik boʻlmagan zamonlar toʻgʻrisidagi rivoyatdan boshlanadi. Qissada shimolda yashovchi nivxlarning bir necha avlodi taqdini haqida gap boradi. Nivxlar bir qayiqda cheksiz ummonda dahshatli zulmat qoʻynida qolib ketishadi va hayot-mamot olishuvi boshlanadi. Hurmatli oʻquvchi, bu olishuv nima bilan tugashini asarni oʻqib bilib olasiz. Asarning ushbu nashrida (kitobxonlarining talab va iltimoslarini hisobga olgan holda) ruscha soʻzlar, yoki baynalmilal jumlalar imkoni boricha oʻzbekchalashtirildi; asar tarjimasiga qoʻshimcha iqtiboslar va izohlar kiritildi va hozirgi oʻzbek adabiy tili qoidalari asosida qayta tayyorlandi.