Sohil bo‘ylab chopayotgan Olapar
Atoqli Qirg‘iz adibi Chingiz Aytmatovning «Sohil bo‘ylab chopayotgan Olapar» qissasining mazmuni juda teran va serqirra. Asar yer yuzining hamma tarafini suv qoplab olgan, hali biror parcha quruqlik bo‘lmagan zamonlar to‘g‘risidagi rivoyatdan boshlanadi. Qissada shimolda yashovchi nivxlarning bir necha avlodi taqdiri haqida gap boradi. Nivxlar bir qayiqda cheksiz ummonda dahshatli zulmat qo‘ynida qolib ketishadi va hayot-mamot olishuvi boshlanadi. Hurmatli o‘quvchi, bu olishuv nima bilan tugashini asarni o‘qib bilib olasiz. Asarning ushbu nashrida (kitobxonlarning talab va iltimoslarini hisobga olgan holda) ruscha so‘zlar, yoki baynalmilal jumlalar imkoni boricha o‘zbekchalashtirildi; asar tarjimasiga qo‘shimcha iqtiboslar va izohlar kiritildi va hozirgi o‘zbek adabiy tili qoidalari asosida qayta tahrirlandi.