Super xotira sari 7 qadam

Insonning asosiy boyligi – uning xotirasi. Xotira hayotimizda shunday ahamiyatga egaki, bu boylik tug'ilganimizdan to umrimizning oxiriga qadar bizga hamroh bo'ladi. Bizning yaxshi-yomon kunlarimiz haqidagi esdaliklar, qadriyatlarimiz, ertangi kunga ishonchimiz, o'tmishga qarab xulosalar chiqarishimizda aynan shu xotira yordamga keladi. Qo'lingizdagi kitob «xotiram past», «esimdan chiqib qolibdi» deya doim shikoyat qiluvchi kitobxonlarimiz uchun ayni muddao. Undan o'rin olgan tavsiya va maslahatlar xotirangizni mustahkamlashda yaqin ko'makchi bo'lishiga ishonamiz. Xotira – bilim va ko'nikmalarni mustahkamlashda asosiy mezon ekan, demak, taqdim etilayotgan mazkur qo'llanma kitobxonlarimizga manzur bo'ladi.