TARAS BULBA

Nikolay Vasilyevich Gogol (1809–1852) – rus yozuvchisi. Rus adabiyotida tanqidiy realizmga asos solgan. A.S. Pushkin bilan uchrashuvi (1831) Gogol ijodida burilish yasadi. “Dikanka qishlog‘i yaqinidagi oqshomlari” (1831–32) to‘plamiga kirgan hikoya va qissalari (“Sorochino yarmarkasi”, “Dahshatli qasos” va b.) Gogolga shuhrat keltirdi. Bunda Malorossiyadagi turmush tarzi, odamlar ongi, axloqi, xalqning yumorga boy afsonalari, urf-odatlari aks ettirilgan. Gogol Sankt-Peterburg universiteti umumtaʼrix kafedrasida professor bo‘lib ishladi (1834), bu unga tarix bilan chuqurroq tanishish imkonini berdi. “Mirgorod” (“Ivan Ivanovich bilan Ivan Nikiforovich oralarida bo‘lib o‘tmish janjallar hikoyati”, “Viy” va boshqa qissalar) to‘plami hamda “Arabeskalar” (“Neva shoh ko‘chasi”, “Portret”, “Tentak maktublari” qissalari) to‘plamida (1835) shahar hayoti manzaralari “ko‘zdan yosh chiqquncha” kulgi qo‘zg‘atadigan usulda tasvirlanadi. Adib “Taras Bulba” (1835) qissasida ukrainlarning polyaklarga qarshi kurashini yoritadi. Asarda asosiy uchta obraz – Taras Bulba va uning ikki o‘g‘li Ostap Andriy – bor. Xo‘sh, Taras Bulba kim: bosqinchimi yoki yurtini bosqinchilardan tozalashga urgangan qahramonmi? Uning kichik o‘g‘li Andriyning sotqinmi yoki adolat tarafidami? Ostap otasi (Taras Bulba) bilan ukasi (Andriy) orasidagi ziddiyatli munosabatda kim tomonida bo‘ladi va uning taqdiri qanday yakunlanadi? Bu savollarga kitobni o‘qish davomida javob olasiz. Marhamat, zavq bilan o‘qing!