TARBIYA KITOBI

Mazkur kitob asrlar davomida sayqallanib kelgan rivoyat va hikoyatlar bilan bir qatorda ayni kunlarimiz haqida ham hikoya qiluvchi hayotiy voqealar asosida tayyorlandi. Ularni oʻqigan va qalbiga joylagan aziz bolalarimiz ana shu hayotiy saboqlar orqali ezgulik olamiga qadam qoʻyishlari, shubhasiz. Nafaqat bu olamga qadam qoʻyadilar, balki atrofidagilarni ham yaxshilik deb atalmish ulugʻvor yoʻlga boshlaydilar. Zero, “Kitoblar mazmuni” rivoyatida ta’kidlanganidek, “Inson dunyoga yaxshilik qilish uchun kelar ekan”. Bolalarimizning purma’no hikmatlari har birimizning hayot yoʻllarimizni yorituvchi oʻchmas chiroq yangligʻ nur sochaversin. Toki bu chiroq nurlaridan kelajak avlodlarimiz ham bahramand boʻlsinlar.