TEMUR TUZUKLARI

“Temur tuzuklari” buyuk sarkarda va davlat arbobi Amir Temurning siyosiy va harbiy faoliyatini, davlat boshqaruvi va harbiy tartib-qoidalarini oʻz ichiga olgan tarixiy-didaktik asardir. Ushbu asar Temurning oʻz ogʻzidan yozdirilgan boʻlib, unda u oʻz hayoti davomida qoʻlga kiritgan tajriba va saboqlarni farzandlari, avlodlari hamda kelajakdagi hukmdorlar uchun qimmatli meros sifatida yozib qoldirgan. Asar ikki qismdan iborat boʻlib, birinchi qismda davlatni boshqarish, adolatli hukm yuritish, ilm-fan va dinga eʼtibor berish, el-yurt manfaatini koʻzlash kabi masalalar yoritilgan. Ikkinchi qism esa harbiy islohotlar, lashkar tuzilmasi, tartib-intizom, urush paytidagi qoida va taktikalar haqida batafsil maʼlumot beradi. “Temur tuzuklari” nafaqat oʻrta asr Sharq siyosiy tafakkuri yodgorligi, balki bugungi kungi kunda ham dolzarb boʻlib, unda ilgaril surilgan gʻoyalar davlat boshqaruvi va rahbarlik sanʼatining oʻchmas namunasi hisoblanadi.