Tong tushlari

Har bir insonning barmogʻidagi chiziqlar oʻziga xos boʻlib, bir-biriga oʻxshashi uchramas ekan. Dunyoda shoirlar ham koʻp, sevib oʻqiydigan, dilda takrorlab yuradigan sheʼrlar ham talaygina. Ular bir-biridan ayro koʻngillarga nur bagʻish iliqlik olib kiradi, halovat, taskin baxsh etadi. Har bir shoirning oʻz salohiyati, oʻz mavzusi, oʻz uslubi bor. Shu bois, soʻz turfa ranglarda jilolanib, uning jozibasi qalblarni majnuntorib turadi. Sheʼrni oʻqigan sain oʻqiging kelaveradi. Faxriddin Hayitning “Tong tushlari” nomli yangi toʻplamidan joy olgan sheʼrlarida inson olamining turfa timsolini ruhani anglagandek boʻlasiz. Goh goʻshkin, goh xazin, goh sokin, goh sokin hissiyotlar bilan qalb manzillariga yetasiz. Manzaralar, goʻzal tashbehlar, sevgi va sogʻinch, Vatan va tasavvur, maʼno va ruhiyat, hayot va erk, halovat va iztirob kabi koʻngil kechinmalari misralarda oʻz aksini topgan. Har bir sheʼrda shoir oʻz qarashlarini, oʻzi topgan yechim va xulosalarini toʻla-toʻkis berishga intilgan. Oʻzi anglagan dunyoni koʻrsatib bera olgan. Oʻylaymizki, ijodkorning sheʼrlari Siz aziz oʻquvchining koʻngil mulkingizda aylanadi.