UCH OʻLIM

Hayotlik chogʻidayoq shuhrati butun olamga yoyilib, mashhur adib sifatida tan olinish juda kam ijodkorlarga nasib etadi. Ana shunday tolei baland ijodkorlardan biri – rus millatiga mansub, graf Lev Nikolayevich Tolstoy (1828-1910). XIX asrning oxirlarida uning nomi nafaqat Rossiyada, balki shunday keng diyorni ham yorib chiqib Gʻarb-u Sharqqa tarqalgan, bu qitʼalarning ham eng sevimli muallifi sifatida shuhrat qozongan edi. Darhaqiqat, Lev Nikolayevich Tolstoiyni bilmaydigan mamlakat boʻlmasa kerak. Hayotiy muammolar va insoniy munosabatlarga qiziqqan inson borki, uning asarlarini katta qiziqish bilan qayta-qayta oʻqib chiqadi. Tolstoy asarlarini har gal qayta oʻqiganingizda yangi-yangi maʼno topasiz. Qoʻlingizdagi ushbu kitobdan esa dunyoga mashhur mana shu adibning “Uch oʻlim”, “Xoʻjayin va xizmatkor”, “Baldan soʻng” va “Gunohimiz nima?” asarlari oʻrin olgan! Marhamat, zavq bilan oʻqing!