Xoʻjand qalʼasi

Oʻzbekiston xalq yozuvchisi, Davlat mukofotining laureati Mirmuhsin Mirsaidov ushbu asari “Xoʻjand qalʼasi” romani movarounnahrda bosib kelgan moʻgʻullarga qarshi kurashgan, xalqni oyoqqa turib urgan dovyurak va fidoyi vatanparvar sarkarda Temur Malik obrazini yoritadi. Asami oʻqir ekansiz, Temur Malik har qancha bahodirlik koʻrsatmasin, moʻgʻullarga qarshi jang qilsa-da, kuchlari dushmaninikidan juda oz boʻlganligi uchun orolni tashlab ketishga majbur boʻlganligi uchun qanchalar iztirob chekkanligiga guvoh boʻlasiz. Temur Malik haqida Sharq tarixchilari haqli ravishda: “Agarda Rustam tirik boʻlsaydi, Temur Malikka xodim boʻlishga yarar edi”, deb aytadilar. Tarixchi Juvayniyning yozishicha, bu dovyurak vatanparvar sarkarda to umrining oxirigacha moʻgʻullarga qarshi mardlarcha kurashadi. Urganchga kelganidan keyin shahzoda Jaloliddin Manguberdi bilan birga Xorazm qoʻshiniga boshchilik qilib, Joʻxom qoʻshiniga qarshi muvaffaqiyatli jang qiladi. Hatto moʻgʻullardan Sirdaryoning quyi oqimidagi Yangikent shahrini qaytarib oladi. Shuningdek, asarda insoniy munosabatlar, adolat mezonlari, Vatan saodati, sevgi-sadoqat, doʻstlik rishtalari yorqin uslubda tasvirlangan. Ayniqsa, Jaloliddin Manguberdi va Temur Malikning doʻstligi, Temur Malik va Nigina beka ishqiy munosabatlari qalblarni hayajonlantiradigan tarzda ifodalangan. Marhamat, iftixor bilan mutolaa qiling!