Yarim asr yonma-yon

Oʻzbekistonda xizmat koʻrsatgan jurnalist Dilbar Mahmudova umr yoʻldoshi, falsafa fanlari doktori, professor, Davlat mukofoti sovrindori, faylasuf, estetik, sanʼatshunos, yozuvchi va dramaturg Tilab Mahmudov bilan yarim asr mobaynida yonma-yon yashab, oʻzaro suhbatlarda uning hayot, ijod, adabiyot va sanʼat haqida aytgan fikr-mulohazalarini kundaliklariga yozib yurgan. Qoʻlingizdagi kitob ana shu xotira-taassurotlar mevasi. Ijtimoiy-publitsistik va adabiy-badiiy tasvirni birlashtiruvchi, oʻzbek madaniyatida yangilik hisoblanmish oʻziga xos janrda yaratilgan bu majmua taniqli olim va yozuvchi Tilab Mahmudovning inson va shaxs, ijodkor va jamoat arbobi sifatida shakllanishi va ulgʻayishi jarayonlarini ehtiros bilan har tomonlama ochib beradi. Kitob oʻzbek ziyolilarining XX asrdagi murakkab hayoti va ijodi, Oʻzbekiston sanʼati va adabiyotining taraqqiyot tamoyillari bilan qiziqqan keng oʻquvchilar ommasiga moʻljalangan.