YODGOR

O‘zbekiston xalq yozuvchisi Gʻafur Gʻulomning nasriy asarlarini oʻqir ekansiz, ularning deyarli barchasida xalq gʻamini, tashvishini, muammolarini koʻtarib chiqqaniga; ezgulikni, insoniylikni, mehr-oqibat, sevgi-sadoqatni, milliylikni ulugʻlaganiga; johillikni, xiyonatni, yomonlikni, yolgʻonchilikni qoralaganiga guvoh boʻlasiz. Ayniqsa, mazkur kitobdan oʻrin olgan “Yodgor” qissasini oʻqir ekansiz, adibning hazil-mutoyiba va hajvning niqobi bilan bugungi kunda ham dolzarb boʻlgan muammolarni koʻtarib chiqqaniga, oʻzbekona dunyoqarash, urf-odat va madaniyatni ulugʻlaganiga ishonch hosil qilasiz. Adib ushbu asarida johillikning oqibatini (Mehrxonning otasi obrazida), soddalik, ishonuvchanlik va gʻoʻr-likni (Joʻra obrazida), mehribonlik, oʻzbekona mehr-oqibatni, xalqimizning bolajon ekanligini (Joʻraning onasi obrazida); tushunuvchanlik va kechirim-lilikni (Saodatning ota-onasi obrazida); mehr-vafo, sevgi-muhabbatning ulugʻ ekanligini (Joʻra va Saodat obrazida); Vatanga sadoqatni (Joʻra obrazida); oʻzbek ayol-qizlariga xos sharm-hayo va oriyatni (Saodat obrazida) va vijdon azobi, pushaymonlikni (Mehrxon obrazida) yorqin boʻyoqlarda tasvirlagan. Asarning asosiy qahramonlari: Mehrxon, Joʻra, Yodgor, Saodatning taqdiri nima boʻladi? Bu savolga asarni oʻqish davomida javob olasiz.