Yoʻqotganlarim va topganlarim

Ushbu kitob muallifi – Oʻzbekiston Xalq yozuvchisi Said Ahmad hozirgi kunda unutilmas xotiralarga aylangan atokli adabiyot arboblaridan biri. Ularga safarlarda hamrohlik qilgan. Qadimgi ordoʻidagi bu benazir insonlarning nurli kunlarida ham, alam-iztirob chekkan onlarida ham yonlarida boʻlgan. Xotiralarda adabiyot toʻqimalar yoʻq. Tasvirlangan voqealar sinchkovlik bilan kuzatilgan, yozuvchining oʻtkir nigohidan oʻtgan sof haqiqatdir. Kitobning birinchi bobida tilga olingan va ajib mehr bilan tasvirlangan ustozlar endi yoʻq. Ular xalqqa, vatanimiz badiiy xazinasiga qimmatbaho gavharlar qoldirib yoʻqlik sari ketganlar. Kitobning ikkinchi bobida hozirgi kunda ijod qilayotgan va bugungi kunda yetuk yozuvchi boʻlgan, xalq hurmatiga sazovor boʻlgan yozuvchilar, kitob muallifi shogirdlari toʻgʻrisida qaynoq fikrlar bayon qilinadi. Uchinchi bobda goh nurli, goh nursiz kunlarni boshidan kechirgan muallifning iztiroblari, koʻp mashaqqatlar bilan topgan iqboli toʻgʻrisida taʼsirli fikrlar bayon qilinadi. Oʻylaymizki, bu asar oʻquvchilarni befarq qoldirmaydi. Ularning oʻylashga chorlab, bu yorugʻ kunlarda yashash baxti qanchalar mashaqqatlar hisobiga kelganini bayon qiladi.