Yur, togʻlarga ketamiz

«Yur, togʻlarga ketamiz» qissasi ana shunday epigraf hamda Saroytosh qishlogʻining goʻzal ta’rifi bilan boshlanadi. Qissa qahramoni qorongʻi bostirmadan topib olgan kuchukbolaga (aslida, u oddiy kuchukbola emas, boʻri bilan itning orasida tugʻilgan) Qoraboy deb ism qoʻyadi. Shu kundan e’tiboran uning hayoti qiziqarli voqealar bilan boyib boradi. Bogʻrikeng togʻliklarning hammasi ham negadir Qoraboyga nisbatan yaxshi munosabatda boʻlmaydilar, uni odamlar orasida yoʻqotishga urinadilar. Ammo asar qahramoni sodiq doʻstini harchand himoya qilmasin, koʻpchilikka bas kelolmaydi. Alaloqibat, odamlarda zulm koʻrgan Qoraboy ularga zulm bilan javob qaytaradi. Natijada esa «Hayvonot bogʻi»ga badargʻa qilinadi. Ammo oʻrtada allaqachon ildiz otgan sadoqat rishtasi, mehr-muhabbat tuygʻusi doʻstlarni qayta diyor koʻrishi-radi. Togʻlar esa yana ularni qarshi olmoqqa shay turadi...